Voorwoord
Waterlake Hills Eco Estate mag net 10 km buite die stad geleë wees, maar dit is direk langs Akademia, wat 'n wonderlike geleentheid bied vir jou kind om in Afrikaans te studeer.
Ons is slegs 10 minute se ry vanaf mediese fasiliteite en al die geriewe wat die stad bied. Hier leef ons in harmonie met die natuur en God se pragtige skepping. Ons streef daarna om die natuurlike hulpbronne soos water, sonlig en die omringende natuurskoon ten volle te benut. Die wild floreer op die estate, met Njalas, Rooibokke en verskeie ander kleinwildspesies wat vrylik rondbeweeg.
Met sy welige bome en ryk voëllewe is Waterlake Hills sekerlik een van die mooiste woonbuurte so naby aan die stad.
Waterlake Hills bied veilige staproetes, fietsrypaadjies en die geleentheid om jou hond op 'n leiband te neem vir 'n drafsessie - alles binne die beskermde omgewing van die estate.
Hier ervaar jy 'n plaasatmosfeer met moderne behuising en uitstekende 24-uur sekuriteit, wat jou die vryheid gee om met gemoedsrus te woon en jou huis 'n ware tuiste te maak.
Wat bied Waterlake Hills Estate?
Waterlake Hills Estate bied ware rustigheid te midde van ons hedendaagse gejaagde leefwyse. Ons skep 'n veilige en harmonieuse woonomgewing waar ons alles in ons vermoë doen om inwoners, hul kinders, troeteldiere en die plaaslike wild saam te akkommodeer.
Hier kan jy 'n volhoubare, “groen” leefstyl volg, aangesien ons daarna streef om so selfonderhoudend as moontlik te wees. Ons beplan om pragtige piekniekareas te skep waar jy in die buitelug kan ontspan en om 'n braaivuur kan kuier, terwyl jou hond vrylik rondhardloop.
Geriewe en Vooruitgang
Ons beoog om 'n gerieflike winkelsentrum by die ingang van die estate te bou. Die sentrum sal voorsiening maak vir alledaagse behoeftes. Daarbenewens word 'n vulstasie met 'n gerieflike winkel, heerlike wegneemetes en ander geriewe beplan. Hierdie fasiliteit sal nie net vir die inwoners van Waterlake Hills voordelig wees nie, maar ook vir die omliggende gemeenskap.
Die ontwikkeling sluit verskeie woonopsies in, waaronder:
-
Voltitelhuise en duethuise
-
Deeltitel-tuinhuisies
-
Afsonderlike studenteverblyf
Alle wooneenhede sal voordeel trek uit die uitstekende sekuriteit wat die estate bied, wat gemoedsrus en ‘n veilige leefomgewing verseker.
